Rexistro Xeral ou Rexistro único??

Estamos asombrados ante o éxito deste blog, ¡¡150 visitas nunha semán escasa!! e, ademáis, unha nova contribución que nos enviou un de vos a eucambioausc@gmail.com
....GRACIÑAS¡¡

................................................................................

Fai uns meses acompañei a un colega que quería presentarse ás bolsas das aulas de informática da USC. Ata ahí todo ben, o rapaz cubriu os papeles e vía, tiña que entregar unha copia de cada solicitude no correspondente centro, polo que nos diriximos ó rexistro xeral da USC en San Xerome.

A parte graciosa de todo chegou cando fumos entregar os papeles e nos comentaron que tiñamos que entregar esa convocatoria directamente en cada centro, e non o podiamos facer perante o rexistro xeral por cousas da redacción da convocatora.

Evidentemete, era o último día e non faltaba moito para as 14:00 momento en que tódalas secretarías de tódolos centros deixan de recibir papeleo por rexistro, baixando a ventá e soltando o roio de que as normas son as normas, “vuelva usted mañana”, etc.

Así que tivemos que dividirnos, cada un partiu correndo en dirección a cada campus e a facer de emisarios, como se foramos de Telepizza.

Evidentemente, que o famosos rexistro xeral teña excepcións fastidia bastante, non parece moi lóxico que teñas que ir centro por centro metendo algo por rexistro porque unha convocatoria determinada teña problemas de redacción. Agora ben, ten sentido que un teña que sair do seu centro e darse un paseo que pode ser moi largo para meter algo polo rexistro xeral da USC tendo rexistros en cada centro e un maravioso servicio de correo interno ou de intranet???

Hoxe por hoxe nin sequera parece lóxico que non exista a posibilidade de presentar instancias a través dunha aplicación web.

Por qué cada rexistro de centro non pode ser unha delegación do Rexistro Xeral, por qué non pode haber un REXISTRO ÚNICO??

Por qué non pode haber un REXISTRO WEB??