Por empezar por algún lado, empezaremos polo campus Sur da USC. Probablemente sexa o que conta cun maior número de matriculados, e quizá por elo o que conta cun maior número de alumnos descontentos e cabreados suspirando por un cambio de rumbo nesta universidade.
Pero nos centraremos só, nun dos seus problemas: aparcar o coche ou a bici.
Como ben sabedes, como vivades un pouco lonxe e collades o coche para ir a clase vos ides topar co problema de ónde aparcar. E se vivides nunha das residencias do campus e mellor deixar o coche na casa que pagar o imposto revolucionario da ORA durante toda a semana.
Non sei a vós, pero a nós parécenos de xulgado de garda que a ningún dos intelectuais do Reitorado se lles ocurrise xamáis chegar a algún tipo de acordo co concello de Santiago para que os estudantes tivésemos, polo menos, un desconto nas tarifas da ORA. O seu sería que puidésemos aparcar onde nos dera a gana dentro do campus mentres imos a clase ou á biblioteca, inda que como sabemos en mans de quen estamos, nin se nos ocorre pedir tanto.
Inda así, como mínimo, debemos reclamar que exista unha “tarxeta de estudante” que permita ós estudantes con vehículo propio poder aparcar no campus SUR por 0€ ou por unha reducción sustancial do importe. Sería unha boa solución que nos axudaría a moitos a chegar un pouco mellor a fin de mes. Evidentemente non pedimos peras ó olmo, pero si pasos reais cara a solución de problemas reais, e podo asegurarvos que na USC temos moitos e moi importantes.
Algo parecido acontece cos aparcadoiros para bicis, só que neste caso temos que ir ata o quinto inferno para aparcar nalgún no que haxa sitio e non esté na periferia da nosa cosmopolita cidade.
En fin, isto é unha simple mostra de cómo estamos e como funcionan as cousas.
Esperamos os vosos comentarios¡¡
