Hoxe é un día deses nos que non apetece sair da casa, choiva e máis choiva. Aquí estamos, catro estudantes da USC debatindo sobre ela, e agora, facéndote participe a tí do noso debate.
Pertencemos a catro centros moi diferentes da Universidade de Santiago, cada un dun dos catro campus da USC, o de Lugo, e os tres de Santiago de Compostela: histórico, norte e sur.
Dímonos conta que tanto ó nivel da USC como de cada un dos nosos centros as cousas funcionan dunha maneira moi diferente a como deberían. Dende logo os estudantes non somos os protagonistas da vida académica da nosa universidade, e só chegamos á categoría de víctimas dentro da pesada máquina burocrática desta.
Non sabemos o que pensarás tí, pero nós estamos fartos. Creemos que esta universidade ten aínda moitísimo que mellorar e decidímonos a dar o paso, queremos axudar a mellorala, queremos cambiala.
Hai que poñerse mans á obra, a partir de agora pretendemos que este sexa un blog no que todos aqueles estudantes da USC que nos sintamos fartos de que as cousas funcionen así teñamos un espazo de debate e de denuncia. Un espazo de mellora e cambio.
Compañeiros a USC necesita un CAMBIO.
Nós xa o decidimos, qué nos dis? CAMBIAS A USC?
Ponte en contacto con nós, queremos contar co maior número de contribucións do maior número de estudantes, de tódolos campus e centros
